غزہ میںجاری اسرائیلی حملوں میں اب تک مجموعی طور پر 489طبی عملے کے افراد شہید ہوچکے ہیں جبکہ 600سے زائد زخمی کی تعداد بتائی جا رہی ہے۔
فلسطینی وزارت صحت کے مطابق اسرائیلی حملوں نے 32 بڑے اسپتالوں اور 53 ہیلتھ سینٹرز کو غیر فعال کیا، 126 ایمبولینسز بھی تباہ ہو گئیں۔
فلسطینی وزارت صحت کا مزیدکہنا ہے کہ غزہ سے اب تک 4373 مریضوں کو علاج کے لیے بیرون ملک منتقل کیا گیا اور اب بھی 10 ہزار سے زائدزخمی بیرون ملک منتقل ہونے کے منتظر ہیں جبکہ غزہ میں اب تک 33545 افراد شہید اور 76094 افراد زخمی ہوئے ہیں اسکے علاوہ ملبے میں دبے ہوئے افراد کی تعداد 2367 ہے اور غزائی قلت سے اب تک بچوں سمیت 28افراد شہید ہوچکے ہیں ۔
