پشاور: پی ڈی ایم اے کی جاری کردہ تازہ ترین رپورٹ کے مطابق حالیہ بارشوں کے باعث صوبہ خیبرپختونخوا میں مختلف حادثات میں مجموعی طور پر 21افراد کی ہلاکتیں ہوئی جبکہ 32 افراد زخمی ہوئے، جان بحق ہونے والوں میں 9مرد، 3خواتین اور 9بچے شامل ہیںاور زخمی افراد میں 23مرد، 5خواتین اور 4بچے شامل ہیں ۔
پی ڈی ایم اے کی رپورٹ میں مزید کہا گیا ہے کہ حالیہ بارشوں کے باعث صوبہ خیبر پختونخوا میں مجموعی طور پر 330مکانات اورعمارتوں کو نقصان پہنچا جن میں 277عمارتوں کو جزوی نقصان پہنچا اور 53کو مکمل طور تباہ ہوئے ۔
پی ڈی ایم اے کی رپورٹ میں مزید کہا گیا ہے کہ خیبر پختونخوا کے مختلف اضلاع میں حالیہ بارشوں کے باعث 93جانوروں اور مال مویشیوں کو نقصان پہنچا۔
