پشاور: نامعلوم افراد کی فائرنگ سے پولیس اہلکار شہید ہوگیا جبکہ ایک راہگیر رخمی ہوگیا ۔
پولیس کے مطابق فائرنگ کا واقعہ تھانہ سربند کی حدود میں پیش آیا، جہاں اچینی نہر کے قریب تازہ خان بھٹی کے علاقے میں نامعلوم افراد کی فائرنگ سے اے ایس آئی حاجی اکبر جاں بحق ہو گیا۔ مقتول حیات آباد پال آفس میں تعینات تھا اور موٹرسائیکل پر ڈیوٹی کے لیے جا رہا تھا۔
فائرنگ کی زد میں آکر ایک راہ گیر محمد گل ولد محمد اسماعیل شدید زخمی ہو گیا۔ واقعے کی اطلاع ملتے ہی پولیس افسران بھاری نفری کے ہمراہ موقع پر پہنچے اور لاش کو پوسٹمارٹم کے لیے جب کہ زخمی کو طبی امداد کے لیے اسپتال منتقل کر دیا۔
پولیس نے جائے وقوع سے 10عدد 30 بور خول اور دیگر شواہد اکٹھے کرلئے اور ملزمان کی گرفتاری کے لیے علاقے میں سرچ آپریشن شروع کر دیا۔
