پشاور :صوبائی دارالحکومت پشاور میں بجلی لوڈشیڈنگ کے خلاف جماعت اسلامی کی جانب سے پیسکو ہیڈ کوارٹر کے باہر احتجاج کیا گیا۔
بجلی لوڈشیڈنگ کے خلاف پیسکو ہیڈ کوارٹر کے باہر احتجاج کرتے ہوئے جماعت اسلامی کے کارکنان کی بڑی تعداد نے شرکت کی۔
مظاہرین نے پیسکو کے خلاف شدید نعرہ بازی کرتے ہوئے کہا کہ اوور بلنگ اور غیر اعلانیہ لوڈشیڈنگ فوری طور پر بند کی جائے۔
پیسکو ہیڈ کوارٹر کے باہر احتجاج کرنے والے مظاہرین کا اس موقع پر کہنا تھا کہ مرکزی اور صوبائی حکومت کی ذمہ داری ہے کہ عوام کو سستی بجلی مہیا کریں جبکہ یہاں سب الٹا ہو رہا ہے۔
انہوں نے کہا کہ بجلی ایک رو مہنگی ہے اوپر سے لوڈشیڈنگ نے عوام کی ناک میں دم کر رکھا ہے.
